ნარინჯისფერი რთველია აქტიურ ფაზაში, ყოველ შემთხვევაში ასე უნდა იყოს წელიწადის ამ პერიოდში, თუმცა, როდესაც ბოლოს ეს ამბავი მოვიკითხეთ, ციტრუსის მოსავლის აღება შეფერხებული იყო ცუდი ამინდის გამო. ფერმერები თითქმის ერთი კვირა ვერ იღებდნენ მოსავალს, რამაც პროდუქციის ექსპორტის შეჩერებაც გამოიწვია. ექსპორტიორი კომპანიების ინფორმაციით, ქართული მანდარინის გასაღების მთავარი ბაზარი ტრადიციულად, წელსაც რუსეთია. მათი ინფორმაციით, წელს ციტრუსის რაოდენობრივი მოსავალი შემცირებულია, თუმცა გაუმჯობესებულია ხარისხობრივი მაჩვენებლები, რამაც შესასყიდი ციტრუსის ფასი დაახლოებით 20%-ით გაზარდა. მიმდინარე ეტაპზე სხვადასხვა კატეგორიის მანდარინის ღირებულება 1 ლარიდან 1,50 ლარამდე მერყეობს. მიმდინარე წელს აჭარაში ციტრუსის 40-45 ათას ტონამდე მოსავალს ელოდებიან.

სტუმარი: კახა შავაძე - „აჭარა ტრეიდინგ გრუპის“ დამფუძნებელი;

#ახალიამბები #BusinessMediaGeorgia