ჩემი არავის არ ესმის და მე კი ყველასი მესმის,
ბოროტი არის კაცობრიობა და მე ვარ კეთილი ერთი,
ყველამ გაყიდა სინდისი, მხოლოდ ჩემშია ღმერთი!

კაზინო, პლანი, ბაზარი, საროსკიპო (ნუ, ბარდელი),
ყველა გაიხრწნა, მხოლოდ მე
ვარ წმინდა, როგორც სანთელი -
მხოლოდ მე ვიცი ქართული,
მხოლოდ მე დავრჩი ქართველი!

რატომ გაგრძელდა ღამე? რატომ თენდება ნელა?
უსამართლოა სამყარო, უსამართლოა ყველა,
უსამართლოა მთავრობა და ხალხის გულშიც ბნელა!

უსამართლოა ენგური, უსინდისოა მტკვარი,
მეჩვენება, რომ შხარა უშბასთან
ქრთამით შეკრული არი!
უსამართლოა მწვადი, ხინკალი, უსამართლოა მჭადი,
თუ მზის ამოსვლაც უსამართლოა, სჯობს, ფსიქიატრთან წადი!